ފެބްރުއަރީ 18، 2025
މާއުނގޫދޫ އ.ތ.މ ކޮމެޓީން "އަންހެނުންގެ ދުވަސް" ފާހަގަކުރަނީ
މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީން މިއަހަރުގެ އަންހެނުންގެ ދުވަސް ފާހަގަކުރުމަށް ވަރަށް ޚާއްސަ ހަރަކާތްތަކެއް ރާވައިފިއެވެ. މިގޮތުން މިމަހުގެ 22 ވާ ހޮނިހިރު ދުވަހު ކުޅިވަރު ހަރަކާތްތަކަކާއި އެކު އަންހެނުންގެ ދުވަސް ފާހަގަކުރުމަށް ވަނީ ހަމަޖެހިފައެވެ. މިހަރަކާތްތަކުގައި ބައިވެރިވުމުގެ ފުރުސަތު މިހާރުވަނީ ހުޅުވައިލެވިފައެވެ.
މި ހަރަކާތުގެ މައިގަނޑު އަމާޒަކީ ރަށުގެ އަންހެނުންގެ މެދުގައި އެކުވެރިކަން އާލާކޮށް، އެކަނބަލުންގެ ހުނަރުވެރިކަން ދައްކުވައިދިނުމެވެ.
ހަރަކާތުގެ ތެރޭގައި ހިމެނޭ ކުޅިވަރުތަކުގެ އިތުރުން، މާއުނގޫދޫ ސްކޫލްގައި ރަށުގެ އަންހެނުންނަށް ޚާއްސަކޮށްގެން ސައިފޮދެއް ބޭއްވުމަށްވެސް ވަނީ ހަމަޖެހިފައެވެ.
އަންހެނުންގެ ތަރައްޤީއަށް މަސައްކަތްކުރާ ކޮމެޓީން މިފަދަ ހަރަކާތްތައް ބޭއްވުމަކީ ރަށުގެ އަންހެނުންގެ ބައިވެރިވުން އިތުރުކޮށް، އެކަނބަލުންގެ ޙައްޤުތައް ކުރިއެރުވުމަށް އެޅޭ މުހިންމު ފިޔަވަޅެކެވެ. މި ހަރަކާތްތަކުގައި ރަށުގެ ގިނަ އަންހެނުން ބައިވެރިވެ، ކާމިޔާބު ހަރަކާތްތަކަކަށް ވެގެންދާނެ ކަމަށް އުންމީދު ކުރެވެއެވެ.