މިލަދުންމަޑުލު އުތުރުބުރީ މާއުނގޫދޫ ކައުންސިލްގެ އިދާރާ
ކަރަންކާމަގު، ށ.މާއުނގޫދޫ، ދިވެހިރާއްޖެ
01
ރަށުގެ ތަޢާރަފް
މާއުނގޫދޫ އަކީ މިލަދުންމަޑުލު އުތުރުބުރީގެ އެންމެ ދެކުނުން އޮންނަ މީހުން ދިރިއުޅޭ ރަށެވެ. ރަށުގެ ރައްޔިތުން ދިރިއުޅުމަށް ކޮށްއުޅޭ މައިގަނޑު މަސައްކަތަކީ ރިސޯޓްތަކުގައި ވަޒީފާ އަދާކުރުމާއި މަސްވެރިކަން ކުރުމެވެ. ބިމުގެ ތަނަވަސްކަން ކުޑަނަމަވެސް ދަނޑުބިން ދޫކޮށްގެންނާއި، ގޯތިތެރޭ ދަނޑުވެރިކަން ކޮއްގެން ރަނގަޅު އާމްދަނީއެއް ރަށަށް ލިބެއެވެ. އަންހެންވެރިން ކޮށްއުޅޭ މަސައްކަތްތަކުގެ ތެރޭގައި ރޯނުވެށުމާއި ފަންގެވިނުން ފާހަގަކޮށްލެވެއެވެ. މި ރަށަކީ ގުދުރަތީ ފަޅެއް އެއްވެސް ފަރާތަކުން ނެތް ގާމަތީ ރަށެކެވެ. އޮޑިދޯނިފަހަރު ގެންގުޅުމަށާއި މުދާއަރުވާ ބޭލުމަށް އަދި ލަފާފުރުމަށް ރަށުގެ ދެކުނު ފަރާތުގައި 550 ފޫޓް × 150 ފޫޓްގެ ބަނދަރެއް ސަރުކާރުން ހަދައިދެއްވާފައިވެއެވެ. އަދި މިހާރު ރަށުގެ ހުޅަނގު ފަރާތުގައި 800 ފޫޓް × 250 ފޫޓުގެ ޒަމާނީ ބަނދަރެއް ހެދުމުގެ މަސައްކަތް ކުރެވެމުންދެއެވެ.
03
ކައުންސިލްގެ އަމާޒު
މި ކައުންސިލްގެ އާމާޒަކީ ޒަމާނަށް އަންނަ ކޮންމެ ކުރިއެރުމެއް ދެނެގަނެ ތަޢުލީމީ، އިޤްތިޞާދީ، ޢުމްރާނީ އަދި ޞިއްޙީގޮތުން ރައްޔިތުންގެ މެދުގައި އެއްވެސް ތަފާތުކުރުމެއްނެތި، އިޖުތިމާޢީ ގުޅުން ބަދަހިކޮށް، އެންމެން އެކީގައި ތަރައްޤީއަށް މަސައްކަތްކުރާ މުޖުތަމަޢުއެއް ބިނާކުރުމެވެ.
02
ކައުންސިލްގެ ތަސައްވުރު
މި ކައުންސިލްގެ ތަޞައްވުރަކީ މާއުނގޫދޫ ރައްޔިތުންނަކީ ފެންވަރު ރަނގަޅު ތަޢުލީމީ، އެކަކު އަނެކަކަށް އިޙްތިރާމްކުރާ، އަމާން އޮމާން ކަމާއިއެކު އިސްލާމްދީނާއި އެއްގޮތަށް ދިރިއުޅޭ ރައްޔިތަކަށް ހެދުމަށް، ކައުންސިލާ ގުޅިގެން ކުރިމަގު އުޖާލާކުރުމަށް މަސައްކަތްކުރާ ރައްޔިތުންތަކެއް ދިރިއުޅޭ ރަށަކަށް ހެދުމެވެ.
