ކައުންސިލް އަދި ކޮމެޓީގެ އައު ދައުރަށް މާއުނގޫދޫ ތައްޔާރު!

މިލަދުންމަޑުލު އުތުރުބުރީ މާއުނގޫދޫ ކައުންސިލުގެ 5 ވަނަ ދައުރަށް އަދި މާއުނގޫދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ 2 ވަނަ ދައުރަށް މެންބަރުން އިންތިޙާބު ކުރުމަށް ނިމިދިޔަ އޭޕްރިލް މަހުގެ 4 ވަނަ ދުވަހު ބޭއްވުނު ލޯކަލް ކައުންސިލް އިންތިޙާބާއި އަންހެނުންގެ ތަރައްޤީއަށް މަސައްކަތްކުރާ އިންތިޙާބު ކާބިޔާބުކުރައްވާ އިންތިޙާބުވެވަޑައިގަން މެންބަރުންނަށް ކައުންސިލުގެ ފޭސްބުކް ޕޭޖް މެދުވެރިކޮށް ވަނީ ހޫނު މަރުޙަބާއެއް ދަންނަވާފައެވެ.

އިންތިޙާބީ ގޮނޑިތަކަށް ބަލާއިރު، މާއުނގޫދޫ ކައުންސިލުގެ 3 ގޮނޑިވެސް އެމް.ޑީ.ޕީ ޓިކެޓުގައި ވާދަކުރި ކެންޑިޑޭޓުން ކަމަށްވާ އިންތިޙާބީ ކައުންސިލުގެ ރައީސް، މުޙައްމަދު އިރުފާމް، އިންތިޙާބީ ކައުންސިލް މެންބަރު، މޫސާ ޙަސަން އަދި އިންތިޙާބީ ކައުންސިލް މެންބަރު، ފާތިމަތު ސައްފާއު ކާމިޔާބުކޮށް، ގޮނޑިތައް ކަށަވަރުކޮށްފައިވެއެވެ.

މާއުނގޫދޫ އ.ތ.މ ކޮމެޓީގެ އިންތިޙާބުގައި ކޮމެޓީ ރައީސާގެ ގޮނޑި ޕީ.އެން.ސީ ޓިކެޓުގައި ވާދަކުރި އިންތިޙާބީ އ.ތ.މ ކޮމެޓީގެ ރައީސާ ޝަރަފިއްޔާ މުޙައްމަދު ކާމިޔާބުކުރައްވާފައިވާ އިރު، ކޮމެޓީ މެންބަރުންގެ 2 ގޮނޑިވެސް ކާމިޔާބުކުރީ އެމް.ޑީ.ޕީ ޓީކެޓުގައި ވާދަކުރި އިންތިޙާބީ އ.ތ.މ ކޮމެޓީ މެންބަރުންކަމަށްވާ، މަރްޔަމް އަސްރާރު އަދި އާމިނަތު ނަޒުރާނާއެވެ.